Hindistanın Bakıdakı Səfirliyi Hindistanın keramik plitələr və qranitini Azərbaycanın aparıcı keramik plitə və tikinti materialları idxalçıları arasında tanıtmaq üçün mühüm tədbir təşkil edib. Tədbir Hindistan keramika və qranitinin yüksək keyfiyyətini və iqtisadi səmərəliliyini vurğulamaq, Hindistan və Azərbaycan arasında daha güclü ticarət əlaqələrini gücləndirmək üçün platforma rolunu oynayıb

Hindistanın Azərbaycandakı səfiri Sridharan Madhusudhanan tədbirdə çıxış edərək Hindistan keramika məhsullarının dünya miqyasında rəğbət qazandığını vurğuladı. O, Azərbaycan idxalçılarını öz satınalma ehtiyacları üçün Hindistan keramik plitələrinin və qranitinin bənzərsiz keyfiyyətini və rəqabətli qiymətlərini nəzərə almağa çağırıb.
Tədbirin informativ gündəliyinə əlavə olaraq, müşavir Sanjay Jain ətraflı təqdimat vasitəsilə Hindistan keramika plitələr və qranit sənayesi haqqında icmalı təqdim etdi. O, Hindistanda bu materialların istehsalında müasir texnologiya və innovativ dizaynlardan istifadə edildiyini vurğulayaraq, ölkənin  bu sektor üzrə əldə etdiyi nailiyyətləri nümayiş etdirib.
Keramika plitələr və qranit üzrə ixtisaslaşmış Hindistan ixracatçılarından ibarət səkkiz nəfərlik nümayəndə heyəti tədbirdə iştirak etmək üçün Hindistandan Azərbaycana gəlib. CAPEXIL (Hindistanın Kimya və Müvafiq Məhsulların İxracının Təşviqi Şurası) nümayəndəsinin rəhbərlik etdiyi nümayəndə heyəti azərbaycanlı həmkarları ilə məhsuldar ikitərəfli (B2B) görüşlər keçirib, əməkdaşlıq imkanlarını və ticarətin genişləndirilməsini araşdırıb. 
Tədbir, Hindistan ixracatçılarının öz məhsul təkliflərini ətraflı müzakirə etdiyi interaktiv sual-cavab sessiyası ilə başa çatıb. Azərbaycanlı iştirakçılar, ikitərəfli ticarət əlaqələrində artım potensialını ifadə edərək, Hindistanlı tərəfdaşlarla öz müsbət təcrübələrini və ikitərəfli ticarətin faydalı tərəflərini bölüşüblər. Hindistan səfirliyinin rəsmiləri, qarşılıqlı iqtisadi əməkdaşlığa sadiqliyi gücləndirməklə, Hindistandan yüksək keyfiyyətli keramik plitələrinin gətirilməsi istiqamətində davamlı dəstək verəcəkləri ilə bağlı Azərbaycan idxalçıları əmin ediblər.
Tədbirin sonunda, Hindistanın zəngin kulinariya irsinin ləzzətini təqdim etmək və iki ölkə arasında mədəni mübadiləni daha da gücləndirmək məqsədilə iştirakçılara xüsusi hind təamlarından ibarət şam yeməyi verilib.
KARUSEL / İQTİSADİYYAT