"Qəzza zolağında indiki repressiyalar beynəlxalq hüquq və beynəlxalq humanitar hüququn müddəalarına zidd olan ciddi pozuntuları üzə çıxarıb".
Bunu  Mərakeş Kralı VI Məhəmməd, Bəhreyn Krallığında keçirilən Ərəb Dövlətləri Liqasının 33-cü Sammitində çıxışında deyib.
"Buna görə də mən günahsız insanların öldürülməsini qətiyyətlə pislədiyimi bir daha bildirirəm. Mən onu da vurğulayıram ki, Qəzza zolağında yeni reallıq bərqərar etmək və fələstinliləri zorla köçürməyə cəhd etmək qəbuledilməz hərəkətdir. Onlar vəziyyəti daha da gərginləşdirəcək və zorakılığı və qeyri-sabitliyi daha da artıracaqlar. Bununla əlaqədar, Qəzza zolağının Fələstin ərazilərinin və vahid Fələstin dövlətinin ayrılmaz hissəsi olduğunu bir daha təsdiq etmək istəyirəm. Mən həmçinin bütün Qəzza zolağında fələstinlilərə davamlı humanitar yardımın çatdırılmasının sürətləndirilməsinin və müdafiəsiz mülki əhalinin daha yaxşı müdafiə olunmasının vacibliyində təkid etməliyəm".
Əl-Qüds Komitəsinin sədri Kral VI Məhəmməd deyib ki, o, Fələstin Dövlətinin Prezidenti Mahmud Abbasla sıx koordinasiyada çalışaraq, Fələstin Dövlətinin hüquqi, tarixi və mədəni statusunun qorunub saxlanılması üçün mümkün olan bütün səyləri göstərməyə davam edəcək: "Əl-Qüds Komitəsinin icraçı qolu olan Beyt Mal əl-Qüds Agentliyi tərəfindən aparılan sahə işləri vasitəsilə mən konkret planların və layihələrin həyata keçirilməsinə əmin oldum. 
Şəhərin mədəni kimliyini qorumaq, onun sakinlərinin sosial və məişət şəraitini yaxşılaşdırmaq, onların möhkəmliyini və Şəhərdə davamlı mövcudluğunu dəstəkləməkdir". 
"Ərəb ümmətinin gələcəyi xalqlarımızın ümumi maraqlarına xidmət etmək və daha geniş anlaşma və inteqrasiya istəklərini həyata keçirmək üçün onun birliyini möhkəmləndirmək üçün həqiqi siyasi iradənin olmasını təmin etməklə üzvləri arasında ümumi strateji baxışın formalaşdırılmasından asılıdır".
Karl deyib ki, düzgün təlim keçmiş prinsipial, məsuliyyətli gənclər xalqların əsl sərvətidir. Onlara bu cür təlimlərin verilməsi ölkələrin nüfuzunu yüksəltmək və xalqların onların üzləşdiyi mühüm məsələləri effektiv şəkildə həll edə bilməsi və öz regional və beynəlxalq mühitlərində nüfuzlu iştirakçı ola bilməsi üçün ən yaxşı yoldur.
Kralın nitqinin mətnini hökumətin başçısı Aziz Axannuş oxuyub.

KARUSEL / DÜNYA