İranın yeni prezidenti Məsud Pezeşkian xarici işlər naziri və müdafiə naziri vəzifələrinə müvafiq olaraq Abbas Əraqçi və Əziz Nəsirzadənin namizədliyini irəli sürüb.
Bu barədə Pezeşkianın mətbuat xidməti məlumat yayıb.
2017-2021-ci illərdə Əraqçi islahatçı prezident Həsən Ruhaninin ikinci hökumətində xarici işlər nazirinin müavini vəzifəsində çalışıb. O, uzun müddət nüvə sazişi üzrə danışıqlarda İran nümayəndə heyətinə rəhbərlik edib, Rusiya XİN-in rəsmiləri ilə görüşmək üçün dəfələrlə Moskvaya gəlib. İran-İraq müharibəsi zamanı (1980-1988) SEPAH-da xidmət edib. Hazırda o, İranın Beynəlxalq Əlaqələr üzrə Strateji Şurasının katibidir.
General-mayor Nəsirzadə hazırda İran Silahlı Qüvvələri Baş Qərargah rəisinin birinci müavini vəzifəsini tutur və Moskvaya işgüzar səfərə gəlib.



KARUSEL / DÜNYA