“Şanşan” qasırğasının Yaponiyanın cənub-qərbindəki Kyushu adasına çatması nəticəsində 3 nəfər ölüb, 40 nəfər yaralanıb.

Tayfun hava və qatarların hərəkətini dayandırıb, elektrik enerjisini kəsib.
Yaponiya Meteorologiya Agentliyinin məlumatına görə, küləyin sürəti saatda 198 km-ə çatan tayfun cümə axşamı səhər saatlarında cənub-qərbdəki Kyushu adasındakı Satsumasendai şəhəri yaxınlığında quruya düşüb.
Agentlik təsirə məruz qalan ərazilərdə yaşayan sakinləri təbii fəlakətlərə qarşı yüksək ayıq-sayıq olmağa çağırıb, ictimai nəqliyyat operatorları qatarları və uçuşları ləğv edib, fırtınanın güclənməsi ilə bəzi evlər işıqsız qalıb.
Kyushu Electric Power Co. yeddi prefekturada 250 mindən çox evin işıqsız qaldığını bildirib.
"Şanşan" qasırğası "Mariya" tropik qasırğasından sonra bu ay yüzlərlə uçuş və qatarın hərəkətini dayandıran "Ampil" qasırğasının ardınca gedir.
Keçən ay açıqlanan araşdırmaya görə, bölgədəki tayfunlar iqlim dəyişikliyi nəticəsində sahilə yaxınlaşaraq daha sürətlə güclənir və quruda daha uzun müddət davam edir.
KARUSEL / DÜNYA