Toni Kroosun gedişi təkcə “Real” azarkeşlərinin ürəyində deyil, həm də komandanın mərkəz xəttində böyük boşluq yaradıb. La Liqanın ilk turlarında “kral klubu” çoxdan gözlənilən Kilian Mbappenin gəlişinə baxmayaraq, qeyri-müəyyən görünür, “Malyorka” və “Las Palmas” ilə səfər matçlarında iki dəfə heç-heçə edib.

“Sport.es” xəbər verir ki, çoxu bunun səbəbini məhz Kroosun gedişində və meydanın mərkəzində keyfiyyətli oyunçuların olmamasında görür. Buna görə də, rəhbərlik gələn yay üçün transfer hədəfləri arasında PSJ-nin yarımmüdafiəçisi Fabian Ruisi nəzərdən keçirir.
“Real” rəhbərliyi Ruisin AÇ-2024-də İspaniya millisinin heyətində parlaq çıxışına heyran olub. Bundan əlavə, ispaniyalı futbolçu daha əvvəl komandanın hazırkı baş məşqçisi Karlo Ançelottinin rəhbərliyi altında “Napoli”də çıxış edib.
28 yaşlı yarımmüdafiəçinin PSJ ilə 3 illik müqaviləsi var, lakin parislilər onun gedişinin əleyhinə deyil.

KARUSEL / İDMAN