Fransa Liqasının lideri "Pari-Sen-Jermen" 22-ci tur çərçivəsində Reyms"ə 4:0 hesabı ilə qalib gəlib. 

BAKU.WS-in məlumatına görə, matçın ilk yarısı 44-cü dəqiqədə Marko Verrattinin qolu ilə parislilərin üstünlüyü ilə yekunlaşıb. Xallarını 53-ə yüksəldən PSJ-yə qələbə qazandıran qollardan birini 62-ci dəqiqədə Serxio Ramos vurub. Mövsümün əvvəlində "Real Madrid"dən PSJ-yə transfer olan ulduz futbolçu Serxio Ramos yeni klubunda ilk qolunu vurub.

PSJ 67-ci dəqiqədə Faesin avtoqolu ilə fərqi 3-ə çatdırıb. Oyunda sonuncu qolu 75-ci dəqiqədə Mbappenin ötürməsi ilə qola çevirən Pereyra vuraraq PSJ-ni 4-0 önə keçirib.

Qarşılaşmada 4-0 hesabı ilə qalib gələn PSJ 53 xal toplayıb və "Nitsa"nı 9 xal qabaqlayaraq liderliyini davam etdirib. 

SON XƏBƏR / KARUSEL