İsveç prokurorları İranın kəşfiyyat xidmətini insanları Quranı yandıran etirazçılardan qisas almağa təşviq edən mesajlar göndərmək üçün 2023-cü ildə SMS operatorunu sındırmaqda ittiham edib.

İsveç Prokurorluğu bəyanatında bildirib ki, 2023-cü ilin yayında Quranı təhqir edən çoxsaylı etiraz aksiyalarından sonra “Quran yandıranlardan qisas almağa çağıran” təxminən 15 min mesaj göndərilib.

"Məqsəd İsveç cəmiyyətində parçalanma yaratmaq idi" deyib.

İsveçin kəşfiyyat xidməti Sapo, ayrı bir bəyanatda, bir haker qrupunun "İran İnqilabı Keşikçiləri Korpusu adından təsir kampaniyası həyata keçirmək üçün hərəkət etdiyini" müəyyən etdiyini söyləyib.

Sapo-nun əməliyyatlar rəhbəri Fredrik Hallstrom verdiyi açıqlamada, "Məqsəd, digər şeylərlə yanaşı, İsveçin islamofob ölkə kimi təsvirini çəkmək idi" deyib.

2023-cü il avqustun 1-də İsveç mediası çoxlu sayda insanın müsəlmanların müqəddəs kitabını yandıran insanlardan qisas almağa çağıran mətn mesajları aldığını bildirib.

Prokurorların sözlərinə görə, istintaq əməliyyatın arxasında Anzu komandası adlı bir qrupun olduğunu göstərib və əlavə edib ki, şübhəlilərin məsuliyyətə cəlb edilməsinin mümkün olma ehtimalı az olduğu üçün istintaq bağlanıb.

Baş prokuror Mats Ljungqvist, "Aktorlar xarici güc, bu halda İran adından hərəkət etdiyinə görə, bizim qiymətləndirməmiz ondan ibarətdir ki, hücumun arxasında olmaqda şübhəli bilinənlər üçün xaricə ittiham irəli sürmək və ya İsveçə ekstradisiya üçün lazım olan şərtlər yoxdur" deyib.

Keçən ilin avqustunda İsveçin kəşfiyyat xidməti Sapo, Quranın yandırılmasını da əhatə edən bir sıra etirazların ölkəni “prioritet hədəf”ə çevirməsindən sonra təhlükə səviyyəsini beş miqyasda dördə qaldırmışdı.

İsveç və bir sıra Yaxın Şərq ölkələri arasında münasibətlər 2023-cü ilin yayında cəmləşən etirazlar səbəbindən gərginləşib.

İraqlı etirazçılar həmin ilin iyulunda İsveçin Bağdaddakı səfirliyinə iki dəfə basqın edərək, ikinci dəfə binanın daxilində yanğınlar törədiblər.

İsveç hökuməti ölkənin konstitusiya ilə qorunan söz və toplaşmaq azadlığı qanunlarını qeyd edərək təhqirləri pisləyib.

Reportyor.az
KARUSEL / DÜNYA