Fələstin prezidenti Mahmud Abbas BMT Baş Assambleyasında beynəlxalq ictimaiyyətə müraciət edərək ABŞ-ı xüsusi vurğulayaraq İordan çayının qərb sahilində və Qəzzada axan qanı dayandırmaq üçün İsrailə silah göndərilməsini dayandırmağa çağırıb.

Reportyor.az xəbər verir ki, Abbas, Vaşinqtonun Qəzzadakı müharibəsi üçün İsrailə diplomatik örtük və silah verməyə davam etdiyini söyləyib, baxmayaraq ki,  Səhiyyə Nazirliyinin məlumatına görə, hazırda ölənlərinsayı 41.534 nəfərdir: "Bu cinayəti dayandırın. İndi dayandırın. Uşaqları və qadınları öldürməyi dayandırın. Soyqırımını dayandırın. İsrailə silah göndərməyi dayandırın. Bu dəlilik davam edə bilməz. Qəzzada və Qərb sahilində xalqımızın başına gələnlərə görə bütün dünya məsuliyyət daşıyır".

Mühasirəyə alınan Qəzza zolağının 2,4 milyon sakininin böyük əksəriyyəti, HƏMAS-ın 7 oktyabrda İsrailə hücumunun səbəb olduğu müharibə səbəbiylə ən azı bir dəfə köçürüldü və bir çoxu məktəb binalarına sığınıb.

Çıxışına davam edən Abbas, “ABŞ tək dayanıb dedi: xeyr, döyüşlər davam edəcək.  Bunu veto hüququndan istifadə edərək etdi. İsraili minlərlə günahsız mülki vətəndaşı, uşaqları və qadınları öldürmək üçün istifadə etdiyi ölümcül silahlarla təmin etdi. Bu, İsraili davamlı təcavüzə daha da həvəsləndirdi. İsrail BMT-də olmağa layiq deyil.

Vaşinqton İsrailin ən yaxın müttəfiqi və dəstəkçisidir, xalqa milyardlarla dollarlıq yardım və hərbi ləvazimat verir.

Reportyor.az
KARUSEL / DÜNYA