Livanın Suriya ilə sərhəd keçid məntəqəsi yaxınlığında İsrailin hücumu yüz minlərlə insanın son günlər İsrail bombardmanlarından qaçmaq üçün istifadə etdiyi yolu kəsib.

Reportyor.az xəbər verir ki, bunu Livanın nəqliyyat naziri Əli Hamieh mediaya açıqlamasında deyib.

Hamieh bildirib ki, zərbə Livan ərazisi daxilində sərhəd keçidi yaxınlığında olub və dörd metr (12 fut) enində krater yaradıb.

İsrail Müdafiə Qüvvələrinin (IDF) hərbi sözçüsü cümə axşamı Livanın silahlı qruplaşması Hizbullahı Livana hərbi texnika daşımaq üçün keçiddən istifadə etməkdə ittiham edib. İDF iddialara heç bir sübut təqdim etməyib.

"İDF bu silahların qaçaqmalçılığına icazə verməyəcək və bütün müharibə boyu etdiyi kimi, məcbur olarsa, hərəkətə keçməkdən çəkinməyəcək" deyib.

Hamieh keçirdiyi mətbuat konfransında keçidin Livan dövlətinin səlahiyyətinə tabe olduğunu söyləyib.

Livan hökumətinin statistikasına görə, 300.000-dən çox insan - onların böyük əksəriyyəti suriyalılar - son 10 gündə İsrailin artan bombardmanlarından xilas olmaq üçün Livandan Suriyaya keçib.

Reportyor.az  
KARUSEL / DÜNYA