Cümə axşamı səhər saatlarında İsrailin Suriyanın Aralıq dənizindəki liman şəhəri Latakiyaya endirdiyi zərbə orada yanğınların baş verməsi ilə nəticələnib.

Reportyor.az xəbər verir ki, bu barədə Suriya dövlət xəbər agentliyi SANA bildirib.

SANA əlavə edib ki, yanğınsöndürənlər yanğınların söndürülməsi üzərində işləyirlər.

Dövlət mediası hərbi bəyanata istinadən xəbər verir ki, iki nəfər yaralanıb, şəxsi mülklərə ziyan dəyib.

Suriya dövlət televiziyası ölkənin hava hücumundan müdafiə qüvvələrinin Latakiya üzərində İsrail hədəfləri ilə qarşılaşdığını bildirib.

İsrail illərdir Suriyada İranla əlaqəli hədəflərə zərbələr endirir, lakin keçən il oktyabrın 7-də Fələstinin HƏMAS yaraqlı qruplaşmasının İsrail ərazisinə hücumundan sonra bu cür reydləri artırıb.
KARUSEL / DÜNYA