Sərhədi keçdikdən sonra İsrail ordusu tərəfindən öldürülən iki hücumçu qruplaşmanın üzvləridir.

Reportyor.az xəbər verir ki, bunu İordaniyadakı Müsəlman Qardaşları bildirib.

Müsəlman Qardaşların sözçüsü Moat əl-Xəvalde AFP-yə bildirib ki, hücum edənlər “qrupun üzvləri olub və həmişə Qəzzaya həmrəylik və müqaviməti dəstəkləyən tədbirlərdə iştirak ediblər”.

O, iki hücumçunun adını Hussam Abu Ghazaleh və Amer Qavoos adlandırıb.

Cümə günü səhər saatlarında İsrail ordusu, qoşunlarının sərhəd bölgəsində nadir bir hücumda İordaniyadan İsrailə keçən iki silahlı hücumçunu öldürdüyünü və iki əsgəri yüngül şəkildə yaraladığını deyib.

“İordaniyadan Ölü dənizin cənubundakı İsrail ərazisinə keçən iki terrorçu (ordu) əsgərlər tərəfindən məhv edilib” deyən hərbi bəyanatda, üçüncü hücumçunun hadisə yerindən qaçdığı düşünülür.

Ordunun bildirdiyinə görə, güclər əlavə terrorçunun olması şübhəsi ilə ərazidə axtarış apararkən, biri ehtiyatda olan iki İsrail əsgəri hücumçularla atışmada yüngül yaralanıb.
KARUSEL / DÜNYA