Çinin xarici işlər naziri Vanq Yi, Pekinin Misirlə razılaşdığını, hər iki ölkənin Suriya da daxil olmaqla bölgədəki bir neçə böhran fonunda Yaxın Şərqdə sabitliyə nail olmaq üçün sülh və danışıqlara kömək etməli olduğunu deyib.


Reportyor.az xəbər verir ki, Vanq Yi bu gün Pekində misirli həmkarı Bədr Abdelatti ilə görüşüb.

O, hər iki ölkənin Suriyadakı vəziyyətdən dərin narahat olduğunu bildirib və xalqın suverenliyinə, müstəqilliyinə və ərazi bütövlüyünə hörmət etməyə çağırıb.

Abdelatti Vanqla Suriyada hərtərəfli siyasi prosesin və heç kimi istisna etməyən və Suriyada məzhəb, dini, etnik və irqi müxtəlifliyi əks etdirən keçid mərhələsinin idarə edilməsinin vacibliyini müzakirə etdiklərini söyləyib.

Vanq həmçinin Çin və Misirin İsrail və Livan arasında atəşkəs razılaşmasını alqışladığını və bunun effektiv şəkildə həyata keçiriləcəyinə ümid etdiyini bildirib.

Çinli baş diplomat yeni dayanıqlı Yaxın Şərq təhlükəsizlik çərçivəsinin qurulmasının zəruri olduğunu bildirib və həmçinin Səudiyyə Ərəbistanı ilə İran arasında barışıq sürətinin saxlanmasını müzakirə edib.

Çinin vasitəçiliyi ilə iki ölkə 2023-cü ildə əlaqələri bərpa etmək barədə razılığa gəlib.

İclasın hesabatında təklif olunan çərçivənin təfərrüatları verilməyib.
KARUSEL / DÜNYA