Suriyanın faktiki lideri Əhməd əl-Şaraa keçmiş silahlı müxalifət fraksiya rəhbərləri ilə bütün qrupları ləğv etmək və onları Müdafiə Nazirliyinin tabeliyində birləşdirmək barədə razılığa gəlib.

Reportyor.az xarici mediaya istinadla xəbər verir ki, Baş nazir Məhəmməd əl-Bəşir keçən həftə bildirib ki, nazirlik keçmiş silahlı müxalifət qrupları və Bəşər Əsəd ordusundan qaçan zabitlərdən istifadə edilməklə yenidən strukturlaşdırılacaq.

Əl-Şaraa saysız-hesabsız qruplar arasında toqquşmalardan qaçmağa çalışmaq kimi çətin vəzifə ilə üzləşəcək.

Suriyanın yeni hökmdarları Bəşər Əsədi devirən üsyançıların aparıcı simalarından olan Murhaf Əbu Qəsrəni müvəqqəti hökumətdə müdafiə naziri təyin ediblər.

Suriya silahlı müxalifət qüvvələri dekabrın 8-də Dəməşqə nəzarəti ələ keçirərək, Əsədi 13 ildən çox davam edən vətəndaş müharibəsindən sonra qaçmağa məcbur etdi və onun ailəsinin onilliklərlə sürən hakimiyyətinə son qoydu.
KARUSEL / DÜNYA