Fəs şəhərində Mərakeş yəhudi mədəniyyəti muzeyi açılıb. Bu muzey, milli irsin mühüm bir tərkib hissəsini – onun bütün tarixi, mədəni və mənəvi zənginliyi ilə birlikdə – qoruyub saxlamaq və təbliğ etmək üçün yeni bir məkan yaradır.
Bu haqda yerli media xəbər verir. 

Fəs şəhərinin "Mellah" (yəhudi məhəlləsi) hissəsinin mərkəzində yerləşən bu yeni muzey qurumu, Mərakeşdə yəhudilərin minilliklərə söykənən tarixinə dərindən nəzər salmağa imkan verir. Burada ritual və gündəlik həyat əşyaları, arxeoloji, etnoqrafik və bədii nümunələr, eləcə də arxiv sənədləri, kitablar və nadir əlyazmalardan ibarət zəngin kolleksiya təqdim olunur.


Vəqflər və İslam İşləri naziri Əhməd Tofiq qeyd edib ki, bu muzeyin açılışı Mərakeşin, hətta qeyri-müəyyən dövrlərdə belə, birgə yaşayış dəyərlərinə və ortaq dəyərlərə hörmətə sadiqliyini nümayiş etdirir. Nazir vurğulayıb ki, kökləri tarixə dayanan bu təşəbbüs gələcəyə istiqamətlənib, həyatın tərəfində durur və mədəniyyətlərarası körpülərin qurulması mesajını daşıyır.

Reportyor.az 




KARUSEL / MƏDƏNİYYƏT