Fələstinin HƏMAS hərəkatı ABŞ prezidenti Donald Trampın administrasiyası ilə əlaqə yaratmağa və danışıqlar aparmağa hazırdır.

Reportyor.az xəbər verir ki, bu barədə RİA-ya HƏMAS-ın Siyasi Bürosunun yüksək rütbəli üzvü Musa Əbu Mərzuk deyib.

“Biz Tramp administrasiyası ilə əlaqə və danışıqlara hazırıq. Keçmişdə biz Bayden administrasiyası, Tramp və ya hər hansı digər ABŞ administrasiyası ilə təmaslara etiraz etməmişik və bütün beynəlxalq tərəflərlə danışıqlara açığıq”.

RİA-nın bazar ertəsi Rusiya Xarici İşlər Nazirliyi ilə danışıqlar aparmaq üçün Moskvaya səfər edən Mərzukdan nə vaxt müsahibə aldığı bəlli deyil.

Çərşənbə axşamı Tramp vəd edib ki, ABŞ fələstinlilər başqa yerə köçürüldükdən sonra müharibə nəticəsində dağılmış Qəzza zolağının nəzarətinə keçəcək və onu iqtisadi cəhətdən inkişaf etdirəcək.

Mərzuk RİA-ya bildirib ki, Vaşinqtonun Yaxın Şərqdə əsas oyunçu olduğunu nəzərə alsaq, ABŞ-la danışıqlar Həmas üçün bir növ zərurətə çevrilib.

"Buna görə də biz amerikalılarla danışıqları alqışladıq və bu məsələyə etirazımız yoxdur", - o əlavə edib.
KARUSEL / DÜNYA