Çin ABŞ-ın ixracına tətbiq etdiyi tariflərə qətiyyətli etirazını bildirdi və ticarət fərqlərini həll etmək üçün dialoqa çağırıb.

Reportyor.az xəbər verir ki, bunu Xarici İşlər Nazirliyinin sözçüsü Lin Cian deyib.

"Çin kəskin narazılığını və qəti etirazını ifadə edir. Çin bunun əvəzinə ədalətli və qarşılıqlı hörmətə əsaslanan dialoq və məsləhətləşmələrə çağırır.

Pekin ABŞ-la artan ticarət müharibəsində Amerika xam neftindən tutmuş kənd təsərrüfatı maşınlarına qədər hər şeyə yeni tariflər tətbiq edərək, cavab atəşi açıb.

Bu, ABŞ-ın Çindən idxal edilən bütün mallara 10 faizlik rüsum tətbiq etməsinə cavab idi.

Lin deyib ki, Çin tərəfindən görülən tədbirlər onun qanuni hüquq və maraqlarını qorumaq üçün lazımdır. Ticarət müharibəsində və ya tarif müharibəsində qaliblər yoxdur".
KARUSEL / DÜNYA