Prezident Emoməli Rəhmon Tacikistan Respublikası Məclisi Olisinə etdiyi müraciətdə arxeologiyaya cavabdeh olan məmurlara arxeologiya haqqında qanun layihəsini tez bir zamanda hazırlayıb hökumətə təqdim etmələrini tapşırıb.

Millətin Lideri qeyd edib ki, ölkənin tarixi və mədəni irsinin 70 faizindən çoxu qədim abidələrdən ibarət olsa da, ölkədə ixtisaslaşmış arxeologiya qanunu yoxdur.

“Bu il ölkəmizin səyləri sayəsində qədim Xuttalın 11 mədəniyyət abidəsi (Xatlon vilayətinin Cəloliddini Bəlxi, Dangara, Vose, Farxor və Xovaling rayonlarında) UNESCO-nun Ümumdünya İrs Siyahısına daxil edilib. Bu kontekstdə, UNESCO tərəfindən Pəncəkənt şəhərinin “Dünya Suzani Sənətkarlığı Şəhəri” kimi tanınması və 2026-2027-ci illərdə Robia Bəlxinin 1050 illik yubileyinin qeyd edilməsi barədə qətnamənin qəbul edilməsi taciklərin mədəni və mənəvi dəyərinin qlobal sivilizasiyada xüsusi yerinin sübutudur. Bu fonda biz bu maddi və qeyri-maddi sərvətləri qorumaq üçün onları beynəlxalq səviyyədə ardıcıl olaraq təmsil etməyə davam etməliyik. Xüsusilə, Borbadi Mərvazinin dünya mədəniyyətinin inkişafına verdiyi tarixi töhfəni nəzərə alaraq, Xarici İşlər və Mədəniyyət nazirlikləri onun adının UNESCO-nun Görkəmli Mədəni Şəxsiyyətlər Reyestrinə daxil edilməsi üçün addımlar atmalıdırlar”, - deyə millətin lideri Emoməli Rəhmon bildirib.

Reportyor.az 


KARUSEL / MƏDƏNİYYƏT