Suriya xarici işlər naziri Əsəd Həsən əl-Şeybani Dəməşqdəki Tişrin Sarayında səfərdə olan Fransa xarici işlər naziri Jan-Noel Barrot ilə ikitərəfli münasibətlər, siyasi və iqtisadi əməkdaşlıq mövzularında danışıqlar aparıb.

SANA xəbər verir ki,  Fransa xarici işlər naziri görüşdən sonra mətbuata açıqlamasında bildirib ki, "Fransa Əsəd rejiminin vəhşiliyinin qurbanı olan Suriya xalqının yanındadır və daha yaxşı bir gələcək qurmaqda onları dəstəkləməyə davam edəcək".

O, əlavə edib ki, Suriya hökuməti ilə Suriya Demokratik Qüvvələri (SDF) arasında bağlanan razılaşma kürdlərin əsas hüquqlarını təmin edir və İŞİD-ə qarşı mübarizə səylərini dəstəkləyir.

Barrot cümə axşamı səhər saatlarında Dəməşqə rəsmi səfərə gəlib və bu səfər onun devrilmiş rejimin süqutundan bəri ölkəyə ikinci səfərini qeyd edir. Səfər İraq və Livanı əhatə edən regional turnenin bir hissəsidir.

Səfər Suriya və Fransa rəsmiləri arasında son görüşlərdən sonra baş tutur. Xarici işlər naziri Əsəd Həsən əl-Şeybani 6 yanvarda Parisdə fransalı həmkarı ilə görüşüb və tərəflər qarşılıqlı maraq doğuran məsələləri və iki ölkə arasında strateji tərəfdaşlığın gücləndirilməsi yollarını müzakirə ediblər.


Reportyor.az 



KARUSEL / DÜNYA