Pakistanın Baş naziri Şahbaz Şərif Qətər əmiri ilə görüşmək üçün bu gün Dohaya iki günlük rəsmi səfərə yola düşəcək.

Yerli media xəbər verir ki,  Qətər əmiri Şeyx Təmim bin Həməd Əl Taninin dəvəti ilə səfər həyata keçirilir.

Qətər əmiri mətbuat açıqlamasında bildirib ki, səfər zamanı Baş nazir Şeyx Təmim ilə ikitərəfli görüş keçirəcək və siyasi əlaqələr, iqtisadi əməkdaşlıq, enerji tərəfdaşlığı və insanlararası mübadilə də daxil olmaqla, ikitərəfli münasibətlərin bütün spektrini əhatə edəcək.

Tərəflər həmçinin, xüsusən də ticarət, investisiya, enerji, infrastrukturun inkişafı və işçi qüvvəsinin ixracı sahələrində yeni əməkdaşlıq yollarını araşdıracaqlar.

Qətər Xarici İşlər Nazirliyi hər iki ölkənin "regional və beynəlxalq forumlarda qarşılıqlı etimad və sıx koordinasiya ilə xarakterizə olunan uzunmüddətli tərəfdaşlıq"a malik olduğunu vurğulayıb.

Bəyanatda əlavə edilib ki, səfər həmçinin hər iki liderə qarşılıqlı maraq doğuran regional və qlobal inkişaflar barədə fikir mübadiləsi aparmaq imkanı yaradacaq və regionda sülh, sabitlik və rifah üçün sıx əməkdaşlıq etmək əzmlərini bir daha təsdiqləyəcək.

XİN-in rəsmisi qeyd edib ki, səfər iki ölkə arasında dərin köklü qardaşlıq əlaqələrini əks etdirir və çoxşaxəli əməkdaşlığı daha da gücləndirmək üçün ortaq öhdəliklərini vurğulayır.

Qətər və Pakistan ortaq inanc və dəyərlərə əsaslanan güclü diplomatik əlaqələrə malikdirlər.

Baş nazir Ş. Şərif 2025-ci ilin sentyabr ayında Dohaya iki səfər edib - biri İsrailin ölkəyə hücumlarından sonra həmrəylik ifadə etmək, digəri isə Ərəb Liqası və İslam Əməkdaşlıq Təşkilatının (İƏT) birgə zirvə görüşündə iştirak etmək üçün.

O, hər iki dəfə Qətər əmiri ilə görüşlər keçirib və Pakistanın Körfəz dövlətinə tam dəstəyini və həmrəyliyini bir daha təsdiqləyib.


Reportyor.az 




KARUSEL / DÜNYA