Misir Ərəb Respublikasının Azərbaycandakı səfiri Houssam Eldine Redanın göstərişi və Misir Mədəniyyət Mərkəzinin Azərbaycandakı təhsil və mədəniyyət müəssisələri ilə əməkdaşlığı çərçivəsində, Misir Mədəniyyət Mərkəzi “Beynəlxalq Maarif Məktəbi”nin təşkil etdiyi xüsusi tədbirə dəstək göstərib.


Tədbir zamanı şagirdlər qədim Misir tarixini və fironlar dövrünün zəngin mədəniyyətini teatr və incəsənət nümunələri vasitəsilə canlandırıb. Şagirdlər firon geyimləri geyinib və Misir mətbəxinə aid yeməklər hazırlayıb təqdim edib.

Misir Mədəniyyət Mərkəzi də bu tədbirə qədim Misir sivilizasiyasının əzəmətini əks etdirən xüsusi firon geyimləri, heykəllər və qədim Misirə aid dekorativ eksponatlar təqdim etməklə dəstək olub. Mərkəzin müdiri Prof. Dr. Tarek Aboul Fotouh qeyd edib ki, bu iştirakın məqsədi Misir mədəniyyətini tanıtmaq, Misirin qədim tarixi haqqında məlumatlılığı artırmaq və Misirin kimliyini fərqli bədii və mədəni üslubda təqdim etməkdir.


O, əlavə olaraq bildirdi ki, bu kimi fəaliyyətlər şagirdlərin qədim xalqların və böyük sivilizasiyaların, xüsusilə də dünyanın ən qədim və ən möhtəşəm sivilizasiyalarından biri olan Misir sivilizasiyasının tarixi haqqında bilik və dünyagörüşünün inkişafına xidmət edir.



Reportyor.az 

KARUSEL / MƏDƏNİYYƏT