Qətər Xarici İşlər Nazirliyinin sözçüsü Məcid Əl-Ənsari  bildirib ki, Qətər Hörmüz boğazı və dəniz gəmilərinin təhlükəsiz keçidi ilə bağlı Oman Sultanlığı ilə sıx koordinasiya edir.

Reuters xəbər verir ki,  mətbuat konfransı zamanı Əl-Ənsari ABŞ səfirləri Stiv Vitkoff və Cared Kuşnerin ABŞ və İran arasında davam edən danışıqları nəzərdən keçirmək üçün Dohada Qətər vasitəçiləri ilə görüşəcəyini təsdiqləyib.

Lakin o, Vaşinqton və Tehran arasında birbaşa yüksək səviyyəli görüşün keçirilməyəcəyini açıqlayıb.

Bundan əlavə, sözçü qeyd edib ki, dondurulmuş İran vəsaitləri, yəni 6 milyard dollar hələ Tehrana köçürülməyib. O, bu vəsaitlərin 2023-cü il müqaviləsinə tabe olduğunu və yalnız humanitar malların alınması üçün nəzərdə tutulduğunu vurğulayıb.

Əl-Ənsari həmçinin bildirib ki, hazırda Hörmüz boğazında gərginliyi azaltmaq və son bir neçə gündə baş verən qarşıdurmaları cilovlamaq üçün birbaşa rabitə qaynar xəttindən istifadə olunur.


Reportyor.az 



KARUSEL / DÜNYA