Tacikistanın Suğd vilayəti ilə Çin arasında ticarət dövriyyəsi 2025-ci ildə 1 milyard dolları keçib. Bu məbləğin 505 milyon dolları ixrac, 564 milyon dolları isə idxal edilib.

Bunu Suğd vilayətinin sədri Rəcəb Əhmədzoda Şansi əyalətinin qubernatoru Çjao Qanq ilə görüşdə deyib.

Bu ilin ilk altı ayında ticarət dövriyyəsi artıq 764 milyon dollara çatıb. Bu rəqəmin ilin sonuna qədər 1,5 milyard dollara çatacağı gözlənilir.

Şansi əyaləti Çinin ən dinamik inkişaf edən bölgələrindən biridir və geniş şəkildə "Çin sivilizasiyasının beşiyi" kimi tanınır.

Şansi əyaləti Çinin şimal-qərbində yerləşir və paytaxtı Siandır. Şansi hazırda Tacikistan Respublikası və digər Orta Asiya dövlətləri ilə qarşılıqlı faydalı əməkdaşlığı fəal şəkildə inkişaf etdirir.

Şansi əyaləti maşınqayırma, elektron mikroçip istehsalı, nadir torpaq metallarının istehsalı, müasir kənd təsərrüfatı texnologiyalarının tətbiqi və neft istehsalı kimi sahələrdə aparıcı mövqelərə malikdir.

Tacikistandan xeyli sayda tələbə əyalətin ali təhsil müəssisələrində təhsil alır.


Reportyor.az 






KARUSEL / İQTİSADİYYAT