İran İnqilab Keşikçiləri Korpusunun (İİKK) Qüds Qüvvələrinin komandiri İsmayıl Qaani İraqa səfər edib.
Onun səfəri Tehranın dəstəklədiyi silahlı qruplaşmalarla təhlükəsizlik qüvvələri arasında toqquşmaların qarşısının alınmasına yönəlib.

Bu barədə "Al Arabiya"ya mənbələr bildirib.

Onlar əlavə ediblər ki, səfəri zamanı Qaani koordinasiya çərçivəsindəki liderlərlə yanaşı, Xalq Səfərbərlik Bölmələrinin (XSB) və digər silahlı qrupların bir sıra liderləri ilə görüşüb.

Mənbələrin məlumatına görə, Qaani həmçinin silahların İraq dövlətinin nəzarəti altına alınması məsələsini də müzakirə edib.

İraq Baş naziri Əli əl-Zeydi iyun ayında İraqdakı bütün silahlı qrupların silahlarını dövlətə təhvil verməsi üçün 30 sentyabr tarixinə qədər son tarix müəyyən edib.

İraqdakı hakim koalisiya son tarixdən sonra başlayan silahların dövlət nəzarəti altına alınması üçün müəyyən edilmiş müddətlərə riayət etməyə çağırıb və qanunsuz silah saxlamanın Terrorla Mübarizə Qanunu çərçivəsində həll ediləcəyini vurğulayıb.

Reportyor.az 

KARUSEL / DÜNYA