Çərşənbə günü Hindistanın Kalkutta şəhərindəki bir oteldə baş verən yanğında ən azı doqquz nəfərin öldüyü, bir neçə nəfərin isə yaralandığı bildirilir.

Qərbi Benqal əyalətinin yanğınsöndürmə xidmətlərinin direktoru Anuc Şarma AFP-yə bildirib ki, "Çərşənbə günü səhər saatlarında baş verən yanğında bir uşaq da daxil olmaqla doqquz nəfər ölüb. Oteli qatı tüstü bürüdü. Bəzi qurbanlar vanna otağında tapılıb".

Şarma bildirib ki, ilkin məlumatlara görə, otelindəki kondisioner partlayıb və yanğına səbəb ola bilər.

O əlavə edib ki, doqquz nəfər - altı kişi, iki qadın və bir uşaq - xilas edilib və xəstəxanaya aparılıb.

Qərbi Benqalın hakim partiyasının üzvü Santoş Patak bildirib ki, bəzi qurbanlar tibbi müalicə üçün Kalkuttaya gedən Banqladeş vətəndaşları olub.

Yanğın baş verən zaman oteldə ümumilikdə 60 qonaq olub.

Reportyor.az 


KARUSEL / DÜNYA