SABC telekanalının məlumatına görə, çərşənbə axşamı Cənubi Afrikanın Şərqi Keyp əyaləti sahillərində köpəkbalığının hücumuna məruz qalan 65 yaşlı qadın həyatını itirib.

Bu barədə  Reuters məlumat verib. 

Hadisə şahidlərindən biri ictimai yayımçıya bildirib ki, səhər saat 8-dən (GMT vaxtı ilə 06:00) sonra bir qrup insanla birlikdə üzən qadın çətin vəziyyətdə olduğunu işarə edib.

"Hamımız anladıq ki, onu köpəkbalığı dişləyib və vəziyyəti çox ağırdır", - deyə şahid bildirib. "Dişləmələr çox ağır idi, lakin cəmi iki yerdə - budunda və qolunun yuxarı hissəsində idi".

Şahidin sözlərinə görə, qadın sahilə çıxarılıb, lakin orada onun öldüyü təsdiqlənib.

Yerli bələdiyyə sosial şəbəkədəki paylaşımında KuGompo şəhərində köpəkbalığı hücumu nəticəsində "faciəli hadisə" baş verdiyini açıqlayıb.

Bələdiyyə "Orient" çimərliyinin və yaxınlıqdakı "Eastern" çimərliyinin növbəti xəbərdarlığa qədər bağlandığını bildirib.


Reportyor.az 


KARUSEL / HADİSƏ