Yəməndə legitimliyin bərpası üzrə Koalisiyanın sözçüsü general-mayor Türki əl-Maliki çərşənbə axşamı bildirib ki, terrorçu husi milisləri tərəfindən Ər-Riyada doğru buraxılan ballistik raket ələ keçirilərək məhv edilib.


Bununla yanaşı, Yəməndə legitimliyin bərpası üzrə Koalisiyanın Birləşmiş Qüvvələr Komandanlığı terrorçu husi milislərinə xəbərdarlıq edib ki, onlar "zəimə", "huri", "cəlbə" və "sambuq" kimi ənənəvi dəniz gəmilərindən istifadə edərək dəniz yolu ilə silah, raket və hərbi texnika qaçaqmalçılığı ilə məşğul olmasınlar. Vurğulanıb ki, bu cür fəaliyyətlər həm Yəmənin, həm də regional və beynəlxalq təhlükəsizliyə təhdid yaradır, mülki şəxslərin həyatını və təhlükəsizliyini təhlükə altına atır.


Koalisiya Komandanlığı bütün gəmi sahiblərini öz həyatlarını və əmlaklarını qorumaq naminə, Yəmən sahillərinə dəniz yolu ilə silah, raket və hərbi texnika daşınmasında terrorçu husi milisləri ilə əməkdaşlıq etməkdən çəkinməyə çağırıb.

Reportyor.az 



KARUSEL / DÜNYA