Çinin rəsmi “Beijing Daily” qəzeti xəbər verir ki, 2035-ci ilə qədər Çin paytaxtının “super-qocalmış” şəhərə çevriləcəyi gözlənilir; həmin vaxt 60 yaş və yuxarı sakinlərin ümumi əhalinin təxminən üçdə birini təşkil edəcəyi proqnozlaşdırılır.

Çin rəsmiləri əhali planlamasını ölkənin iqtisadi strategiyasının əsas tərkib hissəsinə çeviriblər. “Reuters” agentliyinin hesablamalarına görə, hökumət bu il doğum səviyyəsini artırmaq məqsədilə təxminən 180 milyard yuan (26,92 milyard ABŞ dolları) məbləğində xərc çəkə bilər.

Qəzet bildirib ki, 2035-ci ilə qədər Çin paytaxtı sakinlərinin hər üç nəfərindən biri 60 yaş və ya daha yuxarı olacaq.

Nəşrin məlumatına görə, ötən ilin sonunda Pekində 60 yaş və yuxarı 5,29 milyon daimi sakin var idi ki, bu da şəhər əhalisinin təxminən dörddə birini təşkil edir.

Hesabatda həmçinin qeyd olunur ki, şəhər rəhbərliyi yaşlı sakinlərə göstərilən dəstəyi, o cümlədən baza pensiya məbləğini artırır.

Çin əhalisi 2022-ci ildən etibarən azalmağa başlayıb və eyni zamanda əhalinin qocalma prosesi sürətlənib. Bu vəziyyət Pekinin daxili istehlakı artırmaq və borc yükünü nəzarətdə saxlamaq planları üçün ciddi çətinliklər yaradır; belə ki, yüz milyonlarla insanın əmək bazarını tərk edəcəyi, pensiya büdcələrinin isə artan təzyiqlə üzləşəcəyi gözlənilir.
Demoqraflar və iqtisadçılar bildirirlər ki, hazırda uşaq sayının az olması gələcəkdə ev təsərrüfatlarının sayının azalmasına və istehlak artımının yavaşımasına gətirib çıxara bilər.

Reportyor.az 



KARUSEL / DÜNYA