Koronavirusun tüğyan etdiyi İspaniyanın yalnız 1 qəsəbəsində “Covid-19”a rast gəlinməyib.

Publika.az xəbər verir ki, bu Sevilya şəhəri yaxınlığında yerləşən Zahara qəsəbəsidir. Sakinlər bu hadisəni möcüzə kimi qəbul etsə də, əslində bunun səbəbi sadədir. Məlumata görə, koronavirus İspaniyada yayılmağa başlayan ilk günlərdə yerli bələdiyyə məsələyə həssas yanaşaraq, qəsəbədə karantin elan edib. Tarixi əraziyə turistlərin girişi qadağan edilib.

Qəsəbəyə daxil 5 yoldan 4-ü bağlanıb. Digər yol vasitəsiylə daxil olan bütün nəqliyyat vasitələri xüsusi dərman və yuyucu vasitələrlə yuyulur. Bundan əlavə hər 3 gündən bir qəsəbənin küçələri dezinfeksiya edilir. Sakinlərin evlərini tərk etməməsi üçün onların bütün tələbatları ödənilir. Qəsəbədə 1400 nəfərin yaşadığı bildirilir.

Yerli bələdiyyənin məlumatına görə, koronavirus olmadığı üçün çox sayda insan qəsəbədə yaşamaq üçün müraciət edib. Lakin bu müraciətlər virusun yayılmasına şərait yarada biləcəyinə görə qəbul edilməyib.





SON XƏBƏR / KARUSEL