Uels milli komandasının və Türkiyənin “Qalatasaray” klubunun sabiq futbolçusu Din Sonders həbs olunub. APA-nın məlumatına görə, 55 yaşlı futbol veteranı 10 həftə azadlıqdan məhrum edilib. 
Buna D. Sondersin orqanizmində alkaqolun olması ilə bağlı testdən keçməkdən imtinası səbəb olub. 
Hələ 3 ay öncə onun avtomobili polislər tərəfindən saxlanılıb. Asayiş keşikçiləri sabiq futbolçunun içkili olmasından şübhələniblər. Lakin uelsli yoxlanışdan keçməkdən yayınıb. O, 10 həftə həbslə yanaşı, azadlığa çıxdıqdan sonra 30 ay sürücülük hüququndan da məhrum olub.
Qeyd edək ki, D. Sonders “Benfika” və “Liverpul”da da oynayıb. 
 /APA/
DÜNYA / HADİSƏ / İDMAN