Pakistanın Anqlikan Kilsəsinin sədrlik edən yepiskop Azad Marşall mətbuata açıqlamasında son vaxtlar azlıq icmalarının üzvlərinin məqsədyönlü şəkildə öldürülməsini pisləyib və hökuməti vətəndaşları qorumaq üçün təcili tədbirlər görməyə çağırıb.
"Daily Times" xəbər verir ki, yepiskop azlıq qruplarına, o cümlədən xristianlara, hindulara və sikhlərə qarşı artan zorakılıq hadisələri ilə bağlı dərin narahatlığını ifadə edib: "Biz dini inanclarına və ya etnik mənsubiyyətinə görə günahsız mülki şəxslərin hədəfə alınmasını ən sərt şəkildə qınayırıq. Bu, qəbuledilməzdir və insanlığın təməl prinsiplərinə ziddir”. Bəyanat ötən həftə Pişəvərdə bir xristian və sikxə və Kəraçidə bir hindu həkiminə edilən hücumlardan sonra verilib. "Khorasan Diary" xəbər verir ki, Xeyber-Paxtunxva əyalətinin Peşəvər şəhərində bir xristian kişi güllələnərək öldürülüb. Bundan bir gün əvvəl də oxşar şəkildə Pişəvərdə bir sikh dükançısı güllələnib. Hücumlara görə məsuliyyəti üzərinə götürən olmayıb. “The Express Tribune” qəzeti xəbər verir ki, keçən həftə Pakistanda hindu dükançıları yemək yeyərək “Ramzan Sərəncamını pozduqları” iddiası ilə hücuma məruz qalıblar. Sosial şəbəkələrdə yayılan videoda polis məmurunun əlində çubuqla Ghotki rayonunda gəzdiyi görülüb. Polis məmuru yerli bazarda çatdırılma sifarişləri üçün biryani hazırlayan hindu kişiləri də daxil olmaqla hindu restoran sahiblərini döyüb.
KARUSEL / DÜNYA