Azərbaycan öz iqtisadiyyatını və ixracatını şaxələndirməyi hədəfləyir.
Bunu iqtisadiyyat naziri Mikayıl Cabbarov bildirib. 
“Azərbaycan iqtisadiyyatını və ixracatını şaxələndirməyi hədəfləyirik. Son 4 ildə qeyri-neft-qaz ixracımızı 2 dəfə artırmışıq”, - nazir qeyd edib.
O əlavə edib ki, sənaye, nəqliyyat və enerjiyə keçid sahələri Azərbaycan üçün prioritet istiqamətlərdir.
“Biz ənənəvi neft və təbii qaz ixracatçılarıyıq, indi də bərpa olunan enerji mənbələrinin ixracatçısına çevrilmək üçün çalışırıq”, - M.Cabbarov qeyd edib.
Nazir Azərbaycanın strateji coğrafi mövqeyə malik olduğunu qeyd edib və bunun ölkəyə Mərkəzi Asiya, Gürcüstan və Türkiyə bazarlarına çıxış imkanı verdiyini vurğulayıb.
Bundan başqa, onun sözlərinə görə, Azərbaycan və Litva arasında “Sərmayələrin qorunması” və “Vergiqoymanın aradan qaldırılması” sazişlər kimi bir sıra hüquqi bazalar mövcuddur. (Report)

KARUSEL / İQTİSADİYYAT