Avropa İttifaqının İnsan Haqları üzrə Xüsusi Nümayəndəsi Eamon Gilmore son altı ildə Myanmadan qaçan Rohincalarla görüşüb.
"Dhaka Tribune" xəbər verir ki, Avropa İttifaqı Rohingya böhranının həlli üçün görüləcək işlər barədə digər ölkələrlə danışıqlar aparacaqlarına əmin edib. Banqladeş Koks-Bazar bölgəsində və Bhasan Çarda 1,1 milyondan çox Rohincaya ev sahibliyi edir. 
Eamon Gilmore digər hökumətlərlə nə edilməli olduğunu danışdıqlarını söyləyib: "Çünki biz dəstəyə ehtiyac olduğunu dərk edirik. Və bunun üzərində işləməyə davam edəcəyik. Biz bunu beynəlxalq gündəmdə saxlamağa davam edəcəyik".
Gilmore həmçinin bildirib ki, beynəlxalq donorlar tərəfindən maliyyələşdirmənin azaldılması səbəbindən Koks Bazarda Rohingya qaçqınları üçün qida rasionu 12 dollardan 10 dollara (ayda adambaşına), sonra isə 8 dollara endirilib.
Banqladeş hökumətini və Qaçqınlar, Yardım və Repatriasiya (RRR) Komissarının ofisini təqdir etməklə yanaşı, o, əlavə edib ki, onlar qonşuluqdakı ölkələr və ASEAN ölkələri ilə işləyir. 
Bu ilin əvvəlində Aİ Myanmadakı insanların, eləcə də Rohingya qaçqınlarının və onları Banqladeşdəki icmaların humanitar ehtiyaclarını qarşılamaq üçün 43 milyon avrodan çox vəsait ayırıb.
İyulun əvvəlində Aİ Myanmadakı insanların humanitar ehtiyacları, Banqladeş və daha geniş bölgədəki Rohingya qaçqınları və onları qəbul edən icmaların humanitar ehtiyacları üçün əlavə 12,5 milyon avro ayırıb.

KARUSEL / DÜNYA