Bakı-Sumqayıt şosesində ictimai nəqliyyat vasitələri üçün çəkilən zolaqda digər avtomobillərin bu zolaqdan istifadəsi qadağandır.
Bu barədə Baş Dövlət Yol Polisi İdarəsinin baş inspektoru Toğrul Nəsirli açıqlamasında sürücülərə müraciət edərkən bildirib.
O qeyd edib ki, digər nəqliyyat vasitələrinin sürücüləri ictimai nəqliyyat vasitələri üçün çəkilən zolağa daxil olaraq avtobusların hərəkətinə maneyə yaratmasınlar.
Avtobuslar üçün nəzərdə tutulan zolağa daxil olan digər nəqliyyat vasitələrinin sürücüləri 40 manat məbləğində cərimə olunurlar.
Qeyd edək ki, Bakı-Sumqayıt şosesində Xırdalan dairəsindən Bakı Beynəlxalq Avtovağzal Kompleksinə kimi avtobus zolağı təşkil edilir. Azərbaycan Yerüstü Nəqliyyat Agentliyindən (AYNA) tərəfindən həmin yol sahəsində avtobus zolağının tələbinə uyğun üfüqi nişanlanma xətləri çəkilir və yol nişanları quraşdırılıb.
Qeyd olunan yol sahəsindən gün ərzində ümumilikdə 37 müntəzəm marşrut xətti üzrə 1 800 dəfədən çox avtobus keçir. Zolağın tələbinə əməl etməklə 140 000-ə yaxın ictimai nəqliyyat istifadəçisinin rahat, maneəsiz və əlavə vaxt itkisinə məruz qalmadan daşınmasına şərait yaradılacaq. Avtobuslar arasındakı intervalın isə 5 dəqiqəyə kimi təşkil edilməsi gözlənilir.

KARUSEL / CƏMİYYƏT