2023/2024-cü tədris ilində Azərbaycan Memarlıq və İnşaat Universitetinə (AzMİU) 1151 tələbə ödənişli əsaslarla qəbul olub.
AZMİU-ya ödənişli əsaslarla qəbul olan tələbələrdən 208 nəfəri ödənişdən azad edilib. Azad edilən tələbələr məcburi köçkünlər, şəhid və Qarabağ əlillərinin ailə üzvləridir.
Qeyd edək ki, 2023/2024-cü tədris ili üzrə qəbul planı 91,1%, AzMİU-nun nəzdindəki İnşaat Kollecində isə 100% ödənilib. Magistratura səviyyəsi üzrə plan yerlərinin 94,4%-nə tələbə qəbul olunub. MBA proqramı üzrə isə nəticələr daha yüksək, 97,7% olub.
Yeni tədris ilində universitetə Memarlıq, İnşaat, Nəqliyyat, Su təsərrüfatı və mühəndis kommunikasiya sistemləri, Mexanika və informasiya texnologiyaları və Tikinti iqtisadiyyatı fakültələrinə 27 ixtisas üzrə qəbul aparılıb.


KARUSEL / CƏMİYYƏT