Həbsdə olan keçmiş baş nazir İmran Xan qarşıdan gələn ümumi seçkilərdə Lahor, Mianvali və İslamabadın üç seçki dairəsindən yarışacaq.
Bu barədə PTI yeni sədri Qohar Xan Adiala həbsxanasında İmran Xanı ziyarət etdikdən sonra jurnalistlərə deyib. 
Avqustun 5-də İslamabadda birinci instansiya məhkəməsi Pakistan Seçki Komissiyasının (ECP) dövlət hədiyyələrinin təfərrüatlarını gizlətməkdə ittiham etdiyi işdə İmran Xanı təqsirli bilib və üç il müddətinə azadlıqdan məhrum edib.
Qərara görə, o, beş il müddətinə ümumi seçkilərdə iştirak etmək hüququndan məhrum edilib. Bununla belə, həmin ay İslamabad Ali Məhkəməsi (IHC) Xanın üç illik cəzasını dayandırıb, lakin o, digər işlərdə hələ də həbsdə qalır.
Bu ayın əvvəlində İslamabad Ali Məhkəməsi Xanın Toşaxana hədiyyələri işində məhkumluğunun dayandırılmasını tələb edən vəsatətinə dair hökmünü saxlayıb.
KARUSEL / DÜNYA