İsveç səlahiyyətlilər tərəfindən təhlükəsizliyə ciddi təhdid kimi təsnif edilən çinli jurnalisti ölkədən çıxarıb.

İsveç mediası olan Göteborgs-Posten və SVT  jurnalistin qovulması barədə məlumat yayıb.

Jurnalistin bir neçə ildir İsveçdəki Çin diplomatları ilə sıx əlaqədə olduğu bildirilir. SVT onun keçən il Çin Kommunist Partiyası və Çin tərəfdarı lobbiçiliklə sıx əlaqələri olan Çin xarici mediası haqqında araşdırma mərkəzinin hesabatında adını çəkdiyini qeyd edib.

KİV bütün ittihamları rədd edən adı açıqlanmayan 57 yaşlı qadının təxminən 20 il əvvəl İsveçə gəldiyini və burada isveçli bir kişi ilə evləndiyini bildirib. Onun Çin səfirliyi ilə sıx əlaqədə olduğu və Çin nümayəndə heyətlərinin İsveçə səfərlərini təşkil etdiyi vurğulanıb.
Məlumata görə, o, 2023-cü ilin oktyabrından həbsdədir. Daha sonra İsveç Miqrasiya Agentliyi qadını deportasiya etmək qərarına gəlib. O, qərardan apellyasiya şikayəti verib, lakin İsveç məhkəməsi onu rədd edib.

Göteborgs-Posten və SVT bildirib ki, İsveç hökuməti  jurnalisti həmişəlik və ömürlük deportasiya etmək qərarına gəlib. Vəkilinin sözlərinə görə, çinli qadın İsveçin milli təhlükəsizliyinə təhdid olduğunu inkar edir. Onun vəkili Leutrim Kadriu SVT-yə qadının İsveç üçün təhlükə yaratdığına inanmadığını deyib.

Qonşu Norveçdə NRK yayımçısı jurnalistin oradan və Danimarka, Finlandiya və İslandiya da daxil olmaqla digər şimal ölkələrindən reportajlar etdiyini söyləyib.



KARUSEL / DÜNYA