Mərakeş Kralı Əlahəzrət VI Məhəmməd Rabatdakı Kral Sarayında bu ölkədə dövlət səfərində olan Fransa prezidenti Emmanuel Makronla Tərəfdaşlıq və gələcək illər üçün strateji yol xəritəsi çərçivəsində Mərakeş və Fransa arasında güclü münasibətlərin yeni dövrünə keçid müzakirə olunub.

Reportyor.az bu barədə yerli mediaya istinadla xəbər verir.

Bildirilir ki, iki dövlət başçısı bu yenilənmiş tərəfdaşlıq vasitəsilə Mərakeş və Fransa arasında mövcud olan mükəmməl çoxşaxəli münasibətlərə həlledici təkan verməyi, hər iki ölkənin ambisiyalarını nəzərə almağı və beynəlxalq inkişaflar və çağırışlarla birgə mübarizə aparmaq niyyətindədirlər.

Müzakirələr həmçinin regional və beynəlxalq məsələlərə də toxunulub. Beləliklə, iki dövlət başçısı Avro-Aralıq dənizi, Afrika və Atlantik proyeksiyasını gücləndirmək üçün birgə fəaliyyət prosesində birgə çalışmağa, rifahı, insan və dayanıqlı inkişafı təşviq etməyə razılaşdılar.

Onlar, bugünkü sosial-iqtisadi və ekoloji çağırışlara cavab verərək, bütün region üçün daha sabit, dayanıqlı və firavan bir gələcək qurmaq məqsədilə Aralıq dənizinin iki sahili arasında tərəfdaşlığın dərinləşdirilərək yenilənməsinin vacibliyini vurğulayıb.

Fransa prezidenti, Əlahəzrət Kral VI Məhəmmədin Orta Şərqdə sülh naminə Əl-Qüds Komitəsinin sədri kimi konstruktiv rolunu yüksək qiymətləndirib. İki dövlət başçısı Qəzza və Livanda hücumların dərhal dayandırılmasına çağıraraq, mülki vətəndaşların qorunmasının prioritet olduğunu bildirib və kifayət qədər humanitar yardımın çatdırılmasının təmin edilməsi və asanlaşdırılmasının vacibliyini qeyd edib. Onlar 4 iyun 1967-ci il sərhədləri çərçivəsində Şərqi Qüdsü paytaxtı olan müstəqil Fələstin Dövləti ilə iki dövlətli həll çərçivəsində sülh prosesinin təcili şəkildə bərpası zərurətini xatırlatdıb.

Fransa prezidenti Əlahəzrət Kral VI Məhəmmədi ölkəsinə dövlət səfəri üçün rəsmi dəvət ünvanlayıb, Əlazhəzrət Kral  dəvəti qəbul edib. Bu səfərin tarixi diplomatik kanallar vasitəsilə razılaşdırılacaq.


KARUSEL / DÜNYA