İsrail cümə günü Dəməşqin dəbdəbəli Mazzeh bölgəsini vurub.

Reportyor.az xəbər verir ki, bu barədə Suriyanın rəsmi SANA xəbər agentliyi məlumat yayıb.

Bildirilir ki, bir gün əvvəl İsrailin bu bölgəyə ölümcül hücumu barədə məlumat verdikdən sonra İsrail təcavüzü Dəməşqin Məzzeh bölgəsini hədəf alıb.

Livandakı müharibə fonunda hücumların gücləndiyi bir vaxtda İsrailin cümə axşamı günü Dəməşq və ətrafına endirdiyi zərbələr 23 nəfərin ölümünə səbəb olub, Suriya İnsan Haqları Müşahidə Qrupunun müharibə monitorinqi təşkilatı bildirib.

Monitorinqin məlumatına görə, cümə axşamı Məzzəyə endirilən hücumda mülki vətəndaşlar və İranın dəstəklədiyi döyüşçülər də daxil olmaqla 13 nəfər ölüb, Dəməşqin kənarındakı hücumda isə 10 fələstinli yaraqlı öldürülüb.

Suriyadakı fərdi zərbələri nadir hallarda şərh edən İsrail səlahiyyətliləri, Fələstin İslami Cihadını hədəf aldıqlarını bildirərək, cümə axşamı günü hücuma görə məsuliyyəti öz üzərinə götürdülər.

Hücumlar cümə axşamı İranın ali lideri Əli Xamneyinin baş müşaviri Əli Laricaninin Suriya prezidenti Bəşər Əsədlə görüşən Dəməşqə rəsmi səfəri ilə eyni vaxta təsadüf edib.

İsrail son vaxtlar Suriyaya, o cümlədən Livan sərhədinə yaxın ərazilərə, əsasən, Livanın Hizbullah hərəkatının qalalarına zərbələr endirib.

İsrail, Hizbullahın Qəzza zolağındakı müharibə ilə bağlı başlatdığı bir il ərzində sərhədyanı atəş mübadiləsindən sonra sentyabr ayından İranın dəstəklədiyi qrupla müharibə aparır.
KARUSEL / DÜNYA