Yüksək səviyyəli Ukrayna rəsmisi vəzifəyə gəldikdən sonra Rusiyanın Ukraynadakı müharibəsinə son qoyacağını vəd edən yeni seçilmiş prezident Donald Trampın administrasiyası ilə əlaqələr qurmaq üçün ABŞ-a səfərə başlayıb.

Reportyor.az xəbər verir ki, bu barədə Ukrayna mətbuatı ölkənin xarici işlər nazirinə istinadən məlumat yayıb. 

Ukraynanın xarici işlər naziri Andriy Sybiha Brüsseldə jurnalistlərə açıqlamasında Ukrayna prezidentinin aparat rəhbəri Andrey Yermakın artıq ABŞ-da olduğunu bildirib: “Prezident aparatının rəhbəri səviyyəsində bu təmas, digər məsələlərlə yanaşı, yeni administrasiyanın nümayəndələri ilə münasibətlərin qurulması üçün çox vacibdir”.

Tramp indiyədək 33 aylıq işğalı dayandırmaq planları barədə təfərrüatları açıqlamaqdan yayınıb, lakin ona yaxın adamlar tərəfindən irəli sürülən üç plan Kiyevin çoxdan arzuladığı NATO-ya üzvlük perspektivini müzakirə edir.

Trampın müşavirləri həmçinin Ukraynanın altıda birini tutan Moskvaya böyük ərazi güzəştlərinin edilməsini nəzərdə tutan təkliflər irəli sürüblər.
KARUSEL / DÜNYA