Qana Respublikası qondarma “sədr”lə (sahrawi arab democratic republic) diplomatik münasibətləri dayandırmaq qərarına gəlib.

Reportyor.az yerli mediaya istinadla xəbər verir ki, bu qərar Qana Respublikasının Xarici İşlər və Regional İnteqrasiya Nazirliyinin Mərakeş Krallığının Xarici İşlər, Afrika Əməkdaşlıq və Mərakeşli Qürbətçilər Nazirliyinə ünvanlanmış rəsmi sənədində bildirilir.

Sənəddə deyilir ki, Qana Respublikası diplomatik kanallar vasitəsilə Mərakeş Krallığı Hökumətini, Afrika İttifaqını və Birləşmiş Millətlər Təşkilatını bu mövqe barədə dərhal məlumatlandırmaq qərarına gəlib.

Eyni rəsmi sənəddə Qana Respublikası "Bütün tərəflər tərəfindən qəbul edilən bir həllə nail olmaq üçün Mərakeş Krallığının göstərdiyi xoş niyyətli səylərə" dəstəyini ifadə etdi.
Qana Respublikası 1979-cu ildə qondarma "sədr"i tanımışdı.

Əlahəzrət Kral VI Məhəmmədin Mərakeş Sahara məsələsinə verdiyi təkan səbəbiylə 2000-ci ildən bəri 46 ölkə, o cümlədən 13 Afrika ölkəsi sözdə "sədr"lə əlaqələrini kəsib və ya dayandırıb.
KARUSEL / DÜNYA