Səudiyyə Ərəbistanının Milli Meteorologiya Mərkəzi Krallığın bir sıra bölgələrində bu həftə ərzində davam edəcək leysan yağışları ilə bağlı xəbərdarlıq edib.

Reportyor.az xəbər verir ki, Mərkəz Məkkə, Ciddə, Əl-Bəha və Əsir şəhərlərinin bəzi yerlərində tufan, dolu və güclü küləklə müşayiət olunan daha çox yağış üçün qırmızı xəbərdarlıq elan edib.

Qeyri-sabit hava şəraiti səbəbindən çərşənbə axşamı Ciddə hava limanından bəzi reyslər təxirə salınıb.

Sosial mediada paylaşılan videolarda bazar ertəsi və çərşənbə axşamı Ciddə küçələrində avtomobillərin qismən sel sularına qərq olduğu görünür.
Mülki Müdafiə Baş İdarəsi, həmçinin, yağışların davam etdiyi üçün əhalini evdə qalmağa, dərələrdən və bataqlıq ərazilərdən uzaq durmağa və bütün təhlükəsizlik qaydalarına riayət etməyə çağıran bir neçə xəbərdarlıq da edib.

Mülki Müdafiə Krallığın bəzi ərazilərində hava şəraitini izləyir və ictimaiyyəti vadilərdən və su basmış ərazilərdən uzaq durmağa çağırıb.
KARUSEL / DÜNYA