İsrailin baş naziri Benyamin Netanyahu Həması Qəzza zolağında atəşkəs razılaşmasının bəzi detallarından geri çəkilməkdə və İsrail hökuməti tərəfindən təsdiqini gecikdirməkdə ittiham edib.

Reportyor.az xəbər verir ki, Netanyahunun bəyanatında deyilir: “Həmas son dəqiqə güzəştləri tələb etmək üçün vasitəçilər və İsraillə əldə olunan razılaşmanın bəzi hissələrindən imtina edir. Vasitəçilər HƏMAS-ın razılaşmanın bütün elementlərini qəbul etdiyi barədə İsraili xəbərdar edənə qədər İsrail Nazirlər Kabineti toplanmayacaq”.

HƏMAS-ın yüksək rütbəli rəsmisi İzzət əl-Reşiq isə bildirib ki, qrup çərşənbə günü vasitəçilərin elan etdiyi atəşkəs razılaşmasına sadiqdir.
KARUSEL / DÜNYA