“Olimpiakos”un futbolçuları UEFA Avropa Liqasının Liqa mərhələsinin 8-ci turunda “Qarabağ”a qalib gələrlərsə, böyük məbləğdə mükafat qazanacaqlar.

Reportyor.az yerli “SDNA” nəşrinə istinadən xəbər verir ki, bu barədə Yunanıstan təmsilçisinin prezidenti Evangelos Marinakis ölkə çempionatının 20-ci turunda “Panatinaikos”la oyundan (2:2) sonra komanda ilə danışarkən məlumat verib. O, belə deyib:

“Bəlkə də, bir çoxunuz yorulmusuz. Amma bilirsiz ki, cümə axşamı baş tutacaq matç mənim və azarkeşlərimiz üçün çox şey deməkdir. “Qarabağ”ı məğlub etsəz, böyük bonus qazanacaqsız. Bütün gücünüzü verməlisiz, siz ən yaxşısız”.
Yanvarın 30-da keçiriləcək “Olimpiakos” – “Qarabağ” oyunu saat 00:00-da start götürəcək.

KARUSEL / İDMAN