Swatch Group-un baş icraçı direktoru Nik Hayek İsveçrə prezidenti Karin Keller-Sutteri Vaşinqtonda ABŞ prezidenti Donald Trampla görüşməyə, İsveçrənin ABŞ-a idxalına elan edilən 39 faizlik tariflərdən daha yaxşı bir razılaşma əldə etməyə çağırıb.

Hayek Reuters agentliyinə deyib ki, o, cümə günü elan edilən tariflərin avqustun 7-də qüvvəyə minməsinə qədər hələ də razılığın əldə oluna biləcəyinə əmindir.

"Karin Keller-Sutter İsveçrə hökumətinin başçısıdır, o, prezidentdir. O, təyyarəyə minib Vaşinqtona getməlidir. Bu, razılaşma şansını çox artıracaq.
Bu, qiyamət deyil. Təbii ki, bir razılaşma əldə oluna bilər. Nə üçün Donald Tramp tariflərin avqustun 1-də gələcəyini deyir və 7-nə qədər tətbiq etmir? Qapı həmişə açıqdır", - Hayek deyib.

Reportyor.az



KARUSEL / DÜNYA