Mediterranea Saving Humans və Sea-Watch QHT-ləri sosial mediada bildiriblər ki, Aralıq dənizinin mərkəzində miqrant qayığının aşması nəticəsində onlarla insan itkin düşüb.

Mediterranea Saving Humans-a görə, şənbə günü günortadan sonra Liviyanı təxminən 105 nəfərlə tərk edən qayıqdan iki nəfər ölüb, 32 nəfər xilas edilib.

QHT X-də yazıb: "Faciəvi Pasxa gəmi qəzası. 32 sağ qalan, iki cəsəd tapılıb və 70-dən çox insan itkin düşüb". QHT əlavə edib ki, qayıq Liviya hakimiyyəti tərəfindən idarə olunan axtarış-xilasetmə zonasında aşıb.

Sea-Watch bildirib ki, iki kommersiya gəmisi sağ qalanları xilas edib və onları İtaliyanın Lampedusa adasına aparıb.

Yayımladığı hava videosunda iki kişinin aşmış gəminin gövdəsinə yapışdığı və kommersiya gəmilərindən birinin yaxınlaşdığı görünür.

Mediterranea Saving Humans qəzanın Avropa hökumətlərinin miqrantlar üçün təhlükəsiz və qanuni yollar açmaqdan imtina edən siyasətinin nəticəsi olduğunu bildirib.

Lampeduza, Şimali Afrikadan Avropaya Aralıq dənizini keçən miqrantlar üçün əsas giriş nöqtəsidir.

BMT-nin miqrasiya agentliyi IOM-un məlumatına görə, 2026-cı ilin əvvəlindən bəri ən azı 683 miqrant dənizi keçmək cəhdləri zamanı həyatını itirib və ya itkin düşüb.

İtaliya hökumətinin məlumatına görə, eyni müddət ərzində İtaliya ərazisinə 6175 miqrant gəlib.

Reportyor.az 




KARUSEL / DÜNYA