Birləşmiş Krallıq, Mərakeşin Muxtariyyət Planını "Saharada sülh üçün ən etibarlı, həyat qabiliyyətli və praqmatik əsas" kimi dəyərləndirərək, bu məsələdəki ardıcıl mövqeyini bir daha vurğulayıb.

Bu mövqe Böyük Britaniyanın Xarici İşlər naziri İvet Kuperin Londonda mərakeşli həmkarı Nasser Burita ilə keçirdiyi görüşdən sonra yenidən bəyan edilib.

Görüş zamanı britaniyalı rəsmi qeyd edib ki, Mərakeş tərəfindən irəli sürülən muxtariyyət təşəbbüsü regional mübahisənin qalıcı siyasi həlli üçün ən real çərçivədir.
Bu bəyanat 1 iyun 2025-ci ildə Rabatda keçirilmiş Mərakeş–Böyük Britaniya Strateji Dialoqunun davamıdır. Həmin vaxt hər iki ölkə BMT-nin rəhbərlik etdiyi siyasi prosesdə təcili və konstruktiv iştirakın vacibliyini vurğulamışdılar.
Xanım Kuper həmçinin Rabat və London arasındakı ikitərəfli münasibətlərin gücünü yüksək qiymətləndirərək, "Mərakeş Krallığı ilə tərəfdaşlığın hər iki ölkə xalqı üçün böyük əhəmiyyət kəsb etdiyini" bildirib.


Reportyor.az 


KARUSEL / DÜNYA