“Qarabağ” yay transfer pəncərəsi bağlanana qədər heyətini gücləndirməyə çalışacaq.

Bunu Ağdam təmsilçisinin baş məşqçisi Qurban Qurbanov UEFA Konfrans Liqasının pley-off mərhələsinin “Tvente” (Niderland) ilə ilk matçından öncə Bakıda təşkil edilən mətbuat konfransında deyib.
O, Jeremi Qnalinin potensialının olduğunu da vurğulayıb:
“İştirak ərizəsində dünən dəyişiklik olmalı idi. Yeni transfer olmalı idi. Amma müəyyən problemlər üzündən alınmadı. Hələ vaxtımız var, dəyişiklik edə bilərik. Jeremi Qnalinin çox yaxşı potensialı var. Oyun praktikası qazanması üçün icarəyə verilməsi variantını nəzərdən keçiririk. Transfer pəncərəsi bağlanana qədər ehtiyac duyulan mövqelərə uyğun futbolçu axtarışlarını davam etdiririk”.
“Tvente” – “Qarabağ” qarşılaşması avqustun 20-də, saat 22:00-da baş tutacaq. Cavab matçı avqustun 27-də, saat 20:00-da Tofiq Bəhramov adına Respublika stadionunda keçiriləcək. (Komanda.az)


Reportyor.az 





KARUSEL / İDMAN