Pakistan Xarici İşlər Nazirliyi (XİN) cümə günü Hindistan Xarici İşlər Nazirliyinin (XİN) Narovaldakı bir Hindu məbədi ilə bağlı iddialarını "yalan və siyasi motivli" adlandıraraq rədd edərək, qonşu ölkənin "faktları təhrif etdiyini deyib. 

Hökumətin məlumatına görə, Siraj kəndindəki bir əsrdən çox yaşı olan məbəd leysan yağışlardan sonra dağılıb. Lakin azlıqların hüquqları qrupu iddia edib ki, tikili qonşu seminariyanın genişləndirilməsini asanlaşdırmaq üçün qəsdən dağıdılıb.

Daha sonra Hindistan XİN hökuməti təcili və şəffaf araşdırma aparmağa çağıran bir bəyanat yayaraq, "vandalizm aktını" pisləyib.

XİN-in sözçüsü Səccad Hayder Xan sosial media platforması X-də paylaşdığı açıqlamada Pakistanın Hindistanın Narovaldakı məbədlə bağlı "yalan və siyasi motivli iddialarını" qəti şəkildə rədd etdiyini bildirib.

O, Hindistan tərəfindən yayılan "yalan təbliğatdan" fərqli olaraq, məbədin strukturuna 21 iyulda leysan yağışlar nəticəsində ziyan dəydiyini söyləyib: "Yerli hakimiyyət orqanları artıq yağışın vurduğu ziyanı araşdırıb və binanın bərpası üçün addımlar atıblar", - deyə sözçü bildirib.

Sözçü bildirib ki, faktların qəsdən təhrif edilməsi Hindistanın azlıqlara qarşı sistematik təqib və onların ibadət yerlərinə qarşı dövlət tərəfindən dəstəklənən hücumlar kimi dəhşətli tarixçəsindən diqqəti yayındıra bilməz.

Reportyor.az 




KARUSEL / DÜNYA