ABŞ Prezidenti Donald Tramp Yəməndəki husilərin Səudiyyə Ərəbistanına qarşı raket və dron hücumlarını gücləndirməsi fonunda onların "çox pis hərəkət etdiklərini" söyləyib, lakin ABŞ-ın konkret cavab tədbirləri barədə heç nə açıqlamayıb.

Ağ Evdən Ohayo ştatına yola düşərkən jurnalistlərin qrupla bağlı nə etməyi planlaşdırdığına dair sualını cavablandıran Tramp deyib: "Husilər çox pis hərəkət edirlər. Bu, yaxşı hal deyil".

Bu bəyanatlar husilərin Səudiyyə Ərəbistanına qarşı təkrarlanan hücumlarından, o cümlədən həftəsonu Ər-Riyaddakı Kral Xalid Beynəlxalq Hava Limanına endirilən və azı 13 nəfərin ölümü, 300-dən çox insanın yaralanması ilə nəticələnən zərbələrdən sonra səsləndirilib.

Səudiyyə Ərəbistanı rəsmiləri Ər-Riyad hava limanında fəaliyyətin dayandırılması müddətini şənbə gününə qədər uzadıblar.

Tramp şənbə günü bildirmişdi ki, hava limanına hücumdan sonra husilərə qarşı ABŞ-ın hərbi müdaxiləsi məsələsini nəzərdən keçirir.

Reportyor.az 



KARUSEL / DÜNYA