Hindistanda gənclərin rəhbərlik etdiyi "Cockroach Janta Party" (CJP) çərşənbə axşamı bildirib ki, təşkilatın əsas liderləri Yeni Dehlidə polis tərəfindən bağlanmış məşhur etiraz məkanına daxil olduqdan sonra saxlanılıblar.

Müxalifət partiyaları və hərəkatın tərəfdarları son günlər təhlükəsizlik tədbirlərinə məhəl qoymayaraq küçələrə çıxıblar. Onlar Hindistan Seçki Komissiyası sədrinin istefasını tələb edir və qurumu Baş nazir Narendra Modinin hakim partiyasının xeyrinə seçici siyahılarını manipulyasiya etməkdə ittiham edirlər.

Dünyanın ən çox əhaliyə malik ölkəsində səsvermə prosesinə nəzarət edən Hindistan Seçki Komissiyası hər hansı qanunsuz hərəkətə yol verildiyini inkar edib.

Dehli polisi bazar ertəsi bildirib ki, paytaxtın mərkəzində yerləşən "Jantar Mantar" rəsmi etiraz məkanları siyahısından çıxarılıb.

Həmin ərazi bir neçə gündür ki, sarı metal sədlərlə bağlanıb və güclü polis qüvvələri tərəfindən mühafizə olunur.

Lakin CJP lideri Abhijeet Dipke tərəfindən çərşənbə axşamı internetdə yayımlanan videoda etirazçıların sədlərin üzərindən aşaraq boş əraziyə qaçdıqları və milli bayrağı dalğalandırdıqları, ardınca isə polisin onları təqib edərək saxladığı əks olunub.

Qrupun sosial şəbəkədəki paylaşımında "CJP 'Jantar Mantar'ı geri qaytarmaq üçün gizlicə içəri daxil olur" ifadəsi işlədilib və saxlanılanlar arasında liderlərdən Saurav Das, Ashutosh Ranka və Ajinkya Shindenin də olduğu qeyd edilib.

Paylaşımda əlavə olunub ki, "onların hamısı Dehli polisi tərəfindən saxlanılıb".

Dehli polisi bazar ertəsi "Jantar Mantar"a alternativ olaraq üç rəsmi məkan elan etmişdi. Etirazçılar onilliklər ərzində, o cümlədən iyul ayında imtahan qalmaqalı səbəbindən təhsil nazirinin istefasına səbəb olan CJP nümayişləri zamanı məhz "Jantar Mantar"da toplaşırdılar.

Dipke paylaşımında Modini də qeyd edərək, "Siz müqaviməti rəsmi siyahıdan çıxara bilməzsiniz" deyə bildirib.

Modi çərşənbə axşamı Yeni Dehlidə keçirilən biznes konfransında Hindistanı "demokratiyanın beşiyi" adlandırıb, lakin etirazlara birbaşa toxunmayıb.

O deyib: "Ölkəmizdə insanlar geniş spektrli məsələləri açıq şəkildə müzakirə edir və müxtəlif baxışları ortaya qoyurlar. 

Reportyor.az 


KARUSEL / DÜNYA